Ղրղզստանում այսօր համազգային սուգ է։ Իջեցվել են բոլոր պետական դրոշները։ Նույնականացվել են նախօրեին Բիշքեկի մոտ տեղի ունեցած ավիավթարի բոլոր 38 զոհերը։ Հիվանդանոցներում 12 տուժած կա, այդ թվում՝ 6 երեխա։

Զոհվածներից 4–ը «Boeing 747» բեռնատար ինքնաթիռի անձնակազմի անդամ է, մնացածը՝ տեղաբնակներ, որոնց տների վրա ընկել է օդանավը։ Շարունակվում են բորտային ինքնագրիչների որոնումները, որոնք լույս կսփռեն կատարվածի վրա։

Հիշեցնենք՝ Հոնկոնգից Ստամբուլ մեկնող ինքնաթիռը Ղրղզստանի Մանաս օդանավակայանում վայրէջք կատարելու փորձի ժամանակ ընկել է բնակելի տների վրա։ Ավիավթարի հնարավոր պատճառներից է նշվում Բիշքեկի ուժեղ մառախուղը։

Մանրամասն՝ «vesti.ru»–ի տեսանյութում։

7or.am