ԱՄՆ նախագահ Բարաք Օբաման 28 տարով կրճատել է «WikiLeaks»-ին գաղտնի տեղեկություններ հաղորդած Բրեդլի (Չելսի) Մեննինգի ազատազրկման ժամկետը. նա ազատ կարձակվի 2017-ի մայիսի 17-ին՝ 2045-ի փոխարեն:

2010–ին «WikiLeaks»–ին Իրաքում ԱՄՆ հատուկ գործողության վերաբերյալ ավելի քան 700 հազ գաղտնի փաստաթուղթ փոխանցելու համար շարքային Մեննինգը դատապարտվել էր 35 տարվա ազատազրկման։

«The New York Times»-ի փոխանցմամբ՝ Չելսի Մեննինգը, որը նախկինում տղամարդ էր՝ Բրեդլի անունով, երկու անգամ ինքնասպանության փորձ է կատարել բանտում, որտեղ նա սեռափոխության է դիմել։

Ներման խնդրանքով Օբամային դիմել էր ինչպես Մեննինգը, այնպես էլ «Wikileaks»–ի հիմնադիր Ջուլիան Ասանժը։ Վերջինը հայտարարել էր, որ պատրաստ է դրա դիմաց արտահանձնվել ԱՄՆ–ին։

7or.am