Այսօր Իտալիայի կենտրոնում մեկ ժամվա ընթացքում երեք երկրաշարժ է տեղի ունեցել՝ 5,3–5,7 մագնիտուդ ուժգնությամբ։ Այս մասին հայտնում է «The Daily Mail»-ը: Ցնցումները զգացվել են Հռոմում, Լացիո, Մարկե, Աբրուցցո մարզերում։

Զոհերի և վիրավորների մասին տեղեկություններ չկան։

Նշվում է, որ Հռոմում տարհանել են մետրոյի ուղևորներին և մի քանի դպրոց:

Երկրորդ ստորգետնյա ցնցումը տեղի է ունեցել Լացիո մարզի սահմանին, որտեղ 2016–ի օգոստոսի 24-ին ավերիչ երկրաշարժ էր տեղի ունեցել. աղետի հետևանքով 300 մարդ էր զոհվել:

«RaiNews»–ի փոխանցմամբ՝ Աբրուցցոյում երկրաշարժի պատճառով դադարեցվել է երկաթուղային հաղորդակցությունը։

Ամատրիչե քաղաքում ավերածություններ են եղել։

7or.am