ՄԱԿ ԱԽ–ն արտակարգ նիստ է հրավիրել Իրանում բալիստիկ հրթիռի փորձարկման առնչությամբ։ Իրանական փորձարկումները կքննարկվեն Սիրիայի հարցով խորհրդակցությունից հետո։ Այս մասին հայտնում է ТАСС–ը՝ ՄԱԿ–ում Շվեդիայի մշտական ներկայացուցչությանը հղումով։

Հունվարի 29–ին Իրանը միջին հեռավորության բալիստիկ հրթիռ էր փորձարկել։ Նշվում է, որ այդ փորձարկումներն առաջինն են դարձել Դոնալդ Թրամփի՝ ԱՄՆ նախագահի պաշտոնը ստանձնելուց հետո։

Մինչդեռ ՄԱԿ–ի 2015–ի 2231 բանաձևը կոչ էր անում Իրանին չանել նման փորձարկումներ։

7or.am