Թուրքիայի նախագահ Ռեջեփ Թայիփ Էրդողանը մարտին մեկնելու է Ռուսաստանի Դաշնություն, որտեղ հանդիպում կունենա այդ երկրի նախագահ Վլադիմիր Պուտինի հետ: Նախագահները մասնակցելու են ռուս-թուրքական բարձր մակարդակի համագործակցության խորհրդի նիստին: «Mynet»–ի փոխանցմամբ՝ այդ տեղեկությունն արդեն հաստատել է ՌԴ նախագահի խոսնակ Դմիտրի Պեսկովը:

Կրեմլի ներկայացուցիչը նշել է՝ ներկայումս այցի կազմակերպման համար տարվում են նախապատրաստական աշխատանքներ:

Սպասվում է, որ կքննարկվեն Սիրիայի, ինչպես նաև տարածաշրջանային մի շարք հարցեր:

Աղբյուրը հիշեցնում է՝ ռուս-թուրքական բարձր մակարդակի համագործակցության խորհրդի նիստը 2015թ չեղարկվեց, երբ թուրքական ՌՕՈւ–ի կործանիչը Սիրիայում խոցեց ռուսական Սու-24 ռազմական ինքնաթիռը:

7or.am