Իրանը ներդրում ունի «Իսլամական պետություն» ահաբեկչական խմբավորման դեմ պայքարում և հակաահաբեկչական ճակատի մասնակիցներից մեկը պետք է լինի։ ՏԱՍՍ–ի փոխանցմամբ՝ նման հայտարարություն է արել Ռուսաստանի ԱԳՆ ղեկավար Սերգեյ Լավրովը։

«Իրանի և ԻԼԻՊ-ի կամ «Ջեբհաթ ան Նուսրայի» միջև երբևէ կապեր չեն նկատվել։ Ավելին՝ Իրանն իր ավանդն ունի ԻՊ դեմ պայքարում»,–ասել է Լավրովը՝ հավելելով, որ ՌԴ–ն վաղուց է կողմ ահաբեկչության դեմ պայքարի համընդհանուր ճակատի ձևավորմանը։

«Իրանը պետք է մեր ընդհանուր ջանքերի մասնակիցը լինի»,- նշել է Լավրովը։

Հիշեցնենք՝ ԱՄՆ նախագահ Դոնալդ Թրամփն Իրանը համարում է ահաբեկչությունը հովանավորող երկիր։

7or.am