Ճապոնիան Ռուսաստանին բողոքի նոտա է հղել Կուրիլյան անանուն կղզիներին անուններ տալու համար։ Այս մասին, «Life.ru»–ի փոխանցմամբ, ասել է Ճապոնիայի նախարարների կաբինետի գլխավոր քարտուղար Յոսիխիդե Սուգան։

«Դա անթույլատրելի է ու հակասում է Ճապոնիայի դիրքորոշմանը։ Փետրվարի 13–ին մենք Ռուսաստանին բողոք ենք հղել դիվանագիտական ճանապարհով»,–ասել է Սուգան։

Կուրիլյան կղզիներին անուններ են տրվել ՌԴ վարչապետ Դմիտրի Մեդվեդևի կարգադրությամբ։ Հայտնի է, որ կղզիներն անվանակոչվել են քաղաքական և ռազմական գործիչների անուններով։

7or.am