Սև ծովում Հյուսիսատլանտյան դաշինքի ներկայության ամրապնդումը չի հակասում նեղուցների կարգավիճակի մասին կոնվենցիային։ РИА «Новости»–ի փոխանցմամբ՝ նման հայտարարություն է արել ՆԱՏՕ–ի գլխավոր քարտուղար Ենս Սթոլթենբերգը։

«Ամենը, ինչ մենք անում ենք, համապատասխանելու է մեր միջազգային պարտավորություններին, այդ թվում՝ Մոնթրեի կոնվենցիայով ստանձնած պարտավորություններին»,–ասել է նա։

Սթոլթենբերգն ընդգծել է՝ դաշինքի ներկայության ամրապնդումը պաշտպանական բնույթ է ունենալու և չի տանելու լարվածության էսկալացիայի։

Հիշեցնենք՝ ավելի վաղ ՌԴ նախագահ Վլադիմիր Պուտինը ՆԱՏՕ–ին մեղադրել էր Ռուսաստանին սադրելու համար։

7or.am