Ստոկհոլմում ներգաղթյալները զանգվածային անկարգություններ են հրահրել՝ մեքենաներ այրելով ու խանութներ կողոպտելով։ Այս մասին հայտնում են Շվեդիայի լրատվամիջոցները՝ ոստիկանությանը հղումով։

«Անկարգություններն սկսվել են 22.20–ին, երեկոյի ընթացքում 7-8 ավտոմեքենա են այրել։ Ոստիկանությունը փորձում է վերականգնել կարգն ու անվտանգությունը։ Շրջանում նաև մի քանի խանութ են կողոպտել»,–ոստիկանության հաղորդագրություն էր մեջբերում ТАСС–ը։

Անկարգությունների ժամանակ ոստիկաններից մեկի վրա քարեր են նետել, որն էլ նախազգուշացնող կրակ է բացել։

Իրավապահները հայտնել են նաև 2 տուժածի մասին, որոնք ինքնուրույն հիվանդանոց են հասել։

Ավելի վաղ ԱՄՆ նախագահ Դոնալդ Թրամփը հայտարարել էր, որ Շվեդիայի իշխանությունները փորձում են թաքցնել ներգաղթյալների հետ ունեցած խնդիրները։

7or.am