-Ղարաբաղյան հակամարտության կարգավորումը մեզ համար առաջնային և կարևորագույն հարց է։ Մենք համախմբել ենք մեր բոլոր ուժերը, որ ցանկացած ճանապարհով լուծենք այդ հարցը։ Իհարկե, շատ լավ կլիներ՝ այն խաղաղ ձևով լուծվեր՝ առանց պատերազմի, բայց, ցավոք, դա դեռ հնարավոր չէ, քանի որ Հայաստանի ոչ կառուցողական դիրքորոշումը և բանակցությունների արհեստական ձգձգումը նպաստում են ներկա իրավիճակի սառեցմանը։ Մենք առանց այդ էլ Հայաստանին մեկուսացրել ենք տարածաշրջանային բոլոր գործերից։ Այդ քաղաքականությունը շարունակվելու է։ Հայաստանը կհայտնվի տնտեսական և սոցիալական ավելի ծանր իրավիճակում։ Ես դրանում չեմ կասկածում։ Եթե Հայաստանին դրսից նյութական օգնություն չցուցաբերվեր, ապա տնտեսական և սոցիալական պայմաններն այդ երկրում արդեն վաղուց անտանելի կլինեին,-հայտարարել է Իլհամ Ալիևը։