Աշխարհ

13.03.2017 19:55


Կրկին Հոլանդիա այցելելու դեպքում թուրք նախարարին արդեն ազատազրկում կսպառնա

Կրկին Հոլանդիա այցելելու դեպքում թուրք նախարարին արդեն ազատազրկում կսպառնա

Թուրքիայի ընտանիքի և սոցիալական քաղաքականության հարցերով նախարար Ֆաթմա Բեթյուլ Սայան Քայան առաջիկա 10 տարվա ընթացքում իրավունք չի ունենա այցելել Շենգենյան գոտու երկրներ՝ որպես «անցանկալի անձ»։

«BBC Türkçe»-ի փոխանցմամբ՝ եթե նշված ժամանակահատվածում Քայան կրկին փորձ անի այցելել Հոլանդիա, ապա կարող է դատապարտվել 6 ամսվա ազատազրկման կամ կրկին արտաքսվել երկրից:

Հիշեցնենք՝ թուրք–հոլանդական հարաբերությունները սրվել են Ամստերդամի կողմից Թուրքիայի արտգործնախարար Մևլութ Չավուշօղլուին և ընտանեկան ու սոցիալական հարցերի նախարար Ֆաթմա Քայային երկրից արտաքսելուց հետո։

Թուրք գործիչները պատրասվում էին իրենց երկրում կայանալիք սահմանադրական հանրաքվեի «այո»–ի համար քարոզչություն իրականացնել այդ երկրում։ Նիդեռլանդները թուրք ընտրողների թվով Եվրոպայում երրորդ երկիրն է. այնտեղ է բնակվում ընտրության իրավունք ունեցող 245.000 Թուրքիայի քաղաքացի:

7or.am

Այս խորագրի վերջին նյութերը