Ինչպես հայտնել էինք, «Матч ТВ» ալիքի գլխավոր պրոդյուսեր Թինա Կանդելակին թվիթթերյան էջում արձագանքել էր Հայաստանի հավաքականի և «Մանչեսթեր Յունայթեդ»-ի կիսապաշտպան Հենրիխ Մխիթարյանի գոլին, որը նա խփել էր «Սանդերլենդ»-ի հետ խաղում։

«Գենրիխ ջան, ես քո ցավը տանեմ, ապրես բալա!»,-հայերեն գրել էր Կանդելակին:

Ի պատասխան՝ Հենրիխ Մխիթարյանը շնորհակալություն է հայտնել Թինա Կանդելակիին:

«Շնորհակալություն աջակցության համար, թանկագինս»,- «Թվիթթերի» իր էջում գրել է Մխիթարյանը:

Դրանից հետո հեռուստահաղորդավարուհին արձագանքել է Մխիթարյանի գրառմանը. «Ձեզ սիրում է իմ մայրիկը: Այնպես որ, բոլոր հայերը Թբիլիսիում Ձեր կողմից են»։

Իսկ Մխիթարյանը պատասխանել է. «Անչափ շնորհակալ եմ ձեր մայրիկին և երախտապարտ եմ իմ բոլոր երկրպագուներին Վրաստանում»:

7or.am