Մեծ թվով ռուս զբոսաշրջիկներ սկսել են փոփոխել դեպի Թուրքիա նախապես ամրագրված տուրերի ժամկետները: Ինչպես հայտնում է «ermenihaber.am»–ը՝ «Sputnik»-ի թուրքական ծառայությանը հղումով, այս մասին հայտնել է Ռուսաստանի տուրօպերատորների ասոցիացիայի տնօրեն Մայա Լոմիձեն:

Պատճառն այն է, որ Ռուսաստանի քաղաքացիներին անհանգստացրել են երկու երկրների միջև չարթերային թռիչքների չեղարկման հավանականության մասին խոսակցությունները:

Լոմիձեն տեղեկացրել է, որ ամառային արձակուրդների համար նախապես կատարված ամրագրումների 50 տոկոսի դեպքում նախապատվություն է տրվել Թուրքիային:

«Sputnik»-ի աղբյուրներից մեկն ավելի վաղ հայտնել էր, որ Ռուսաստանի օդային տրանսպորտի դաշնային գործակալությունից տեղեկություն է ստացվել, որ Թուրքիայի հետ չարթերային թռիչքները կարող են դադարեցվել: