Հանդիպել են Հայաստանի և Վրաստանի արտգործնախարարները (տեսանյութ)

● Աշխարհ

11.04.2017 ● 17:48

Հանդիպել են Հայաստանի և Վրաստանի արտգործնախարարները (տեսանյութ)

Ապրիլի 11-ին արտաքին գործերի նախարար Էդվարդ Նալբանդյանը հանդիպեց պաշտոնական այցով Հայաստան ժամանած Վրաստանի արտգործնախարար Միխեիլ Ջանելիձեին:

Հանդիպումը մեկնարկեց դեռ առ դեմ ձևաչափով, ապա շարունակվեց պատվիրակությունների մասնակցությամբ։

Ողջունելով հյուրին` Էդվարդ Նալբանդյանը նշեց, որ վրացի իր գործընկերոջ հետ մշտական ինտենսիվ երկխոսությունը հնարավորություն է ընձեռում քննարկելու երկկողմ օրակարգի հարցերի լայն շրջանակ, առաջ մղելու համագործակցության ամրապնդմանն ու խորացմանն ուղղված ջանքերը:

Շնորհակալություն հայտնելով հրավերի և ջերմ ընդունելության համար` Միխեիլ Ջանելիձեն նշեց, որ Վրաստանը կարևորում է Հայաստանի հետ բազմաբովանդակ համագործակցության զարգացումը՝ ընդգծելով իր երկրի պատրաստակամությունը՝ հավելյալ ջանքեր գործադրել փոխգործակցությունն առավել խորացնելու և ամրապնդելու համար: Վրաստանի արտգործնախարարը շնորհավորեց Հայաստանում խորհրդարանական ընտրությունների հաջող անցկացման կապակցությամբ։

Հանդիպման ընթացքում անդրադարձ կատարվեց երկու երկրների ղեկավարների միջև ձեռք բերված պայմանավորվածությունների իրականացման ընթացքին։ Երկուստեք շեշտվեց, որ վերջին տարիներին հայ-վրացական հարաբերությունները, տնտեսական համագործակցությունը շոշափելի զարգացում են ապրել և առաջ են ընթանում փոխշահավետ համագործակցության ոգով։

Արտգործնախարար Նալբանդյանը հյուրին ներկայացրեց ղարաբաղյան հիմնախնդրի կարգավորման գործընթացն առաջ մղելու նպատակով համապատասխան պայմանների ստեղծմանն ուղղված ԵԱՀԿ Մինկի խմբի համանախագահների և Հայաստանի համատեղ ջանքերը՝ այդ համատեքստում կարևորելով Վրաստանի շարունակական աջակցությունը Մինսկի խմբի համանախագահների գործունեությանը։

Քննարկվեցին առևտրատնտեսական, էներգետիկ, տրանսպորտային ենթակառուցվածքների զարգացման, զբոսաշրջության ոլորտներում համագործակցության ընդլայնմանը վերաբերող բազմաթիվ հարցեր: Անդրադարձ կատարվեց երկու երկրների միջև առկա ընդգրկուն իրավապայմանագրային դաշտի կատարելագործմանը, որն այսօր ներառում է ութ տասնյակից ավելի փաստաթղթեր։

Զրույցի ընթացքում արծարծվեցին նաև վիրահայությանը հուզող խնդիրները և դրանց լուծման ուղղությամբ իրականացվող քայլերը:

Անդրադարձ կատարվեց տարածաշրջանային և միջազգային հրատապ մի շարք խնդիրների:

Հանդիպումից հետո նախարարները հանդես եկան մամուլի համար հայտարարություններով։

● Այս խորագրի վերջին նյութերը

Ադրբեջանում կայացել է Իլհամ Ալիևի և Ղրղզստանի նախագահ Սադիր Ժապարովի հանդիպումը

24.04.2024 ● 16:22

Ղրղզստանի նախագահ Սադիր Ժապարովն ապրիլի 24-ին պետական այցով ժամանել է Ադրբեջան:

ԱՄՆ-ում կկառուցվի երկրի ամենաբարձր երկնաքերը

23.04.2024 ● 18:03

Նյու Յորքի Առևտրի համաշխարհային կենտրոնը՝ 541 մ բարձրությամբ, այս աղյուսակում զբաղեցնում է միայն յոթերորդ տեղը։

Ալիևը Զելենսկիին հրավիրել է Բաքու

23.04.2024 ● 17:45

Վլադիմիր Զելենսկիին հրավիրել է COP29 համաժողովին, որը տեղի է ունենալու նոյեմբերին Բաքվում։

Ադրբեջանում երկրաշարժ է գրանցվել

23.04.2024 ● 13:23

Ցնցումները չեն զգացվել։

Հենրիխ Մխիթարյանը «Ինտերի» հետ նվաճեց Իտալիայի չեմպիոնի տիտղոսը (տեսանյութ)

23.04.2024 ● 12:16

Հայաստանի հավաքականի նախկին ավագը «Ինտերի» հետ դարձավ Իտալիայի չեմպիոն ու նվաճեց իր առաջին տիտղոսը Եվրոպայի թոփ-5 լիգաներում:

Նյու Յորքի հայտնի Թայմս Սքվերում գրեթե 20 մ երկարությամբ հսկայական հոթ-դոգ կհայտնվի

22.04.2024 ● 21:45

«Հոթ դոգ քաղաքում»-ը բաղկացած է հսկայական հացից և դասական նրբերշիկից՝ ծածկված մանանեխով:

Ռոբերտ Քոչարյանը տիկնոջ՝ Բելլա Քոչարյանի հետ այցելել է Ծիծեռնակաբերդի հուշահամալիր (տեսանյութ)

Այս իշխանություններին հասկանալու համար պետք է հետևել Ալիևի ու Էրդողանի հայտարարություններին. Թևանյան (տեսանյութ)

Ուղեղի ցնցում ունի և կապտուկներ. Մախսուդյանի որդին պատմել է հոր առողջական վիճակի մասին

● Աշխարհ