Թուրքիայի նախագահ Ռեջեփ Թայիփ Էրդողանը կիրակի կայացած սահմանադրական հանրաքվեից հետո հայտարարել է, որ բարձրացնելու է երկրում մահապատժի վերականգնման հարցը։ Այս մասին հայտնում է ՌԻԱ «Նովոստին»։

Ստամբուլում իր ելույթի ժամանակ Էրդողանը խոստացել է այդ հարցը կառավարության հետ քննարկել։

Աղբյուրը հիշեցնում է՝ մահապատիժը Թուրքիայում չեղարկվել էր 2002թ.՝ ԵՄ անդամ դառնալու չափորոշիչներին համապատասխանելու նպատակով:

Հիշեցնենք՝ Թուրքիայի սահմանադրական փոփոխություններին կողմ է քվեարկել երկրի քաղաքացիների ավելի քան 51 տոկոսը։

Սահմանադրական փոփոխություններով Էրդողանը ստանում է միանձնյա կառավարելու իրավունք։

7or.am