Ֆրանսիայի «Առաջ» սոցիալ-լիբերալ կուսակցությունից նախագահի թեկնածու Էմանուել Մակրոնը «Nouvelles d’Armenie»-ի հետ հարցազրույցում հայտարարել է, որ մտադիր է շարունակել Հայոց ցեղասպանության հիշատակման ավանդույթը՝ մասնակցելով ոգեկոչման արարողություններին։

«Ապրիլի 24-ն ամուր խորհրդանիշ է. այն հիշատակում է Կոստանդնուպոլսում 1915 թվականի ապրիլի 24-ին 600 հայ մտավորականի սպանությունը և առաջին ցեղասպանության սկիզբը»,- ասել է Մակրոնը։

Ֆրանսիացի գործիչը նաև նշել է՝ աջակցում է Հայոց ցեղասպանության հիշատակման օրը Ֆրանսիայի օրացույց ներառելու գաղափարին:

«Ցեղասպանության ճանաչումը հնարավոր է դարձել, որովհետև մի սերունդ նվիրվել է այդ գործին: Այն պարզապես չեն հիշել, այլ պահանջել են, ինչն էլ իր արդյունքը տվեց»,- նշել է Ֆրանսիայի նախագահի թեկնածուն՝ հիշեցնելով նաև 2016–ին Գերմանիայի Բունդեսթագում կայացած պատմական քվեարկությունը:

Ֆրանսիայի նախագահի թեկնածուն կարևորել է Ցեղասպանության ժխտման քրեականացումը՝ հավելելով, որ իրավունքը և հիշողությունը չեն կարող անհամատեղելի լինել։

7or.am