Գերմանական Բադեն Բադենում ընթացող «Grenke Chess Classic» մրցաշարի 6-րդ տուրում Հայաստանի ուժեղագույն շախմատիստ Լևոն Արոնյանը սպիտակներով հաղթել է չինուհի Հոու Յիֆանին: Պարտիան ավարտվել է 42-րդ քայլում: Այս մասին հայտնում է armsport.am–ը։

Սա Արոնյանի համար չորրորդ անընդմեջ հաղթանակն է, ինչի շնորհիվ նա վաստակած 5 միավորով միանձնյա գլխավորում է մրցաշարային աղյուսակը և մրցաշարի ավարտից մեկ տուր առաջ անհասանելի է դարձել իր մրցակիցների համար:

Աշխարհի չեմպիոն Մագնուս Կարլսենն այս տուրում կիսել է միավորը Ադրբեջանը ներկայացնող Արկադի Նայդիչի հետ և 3.5 միավորով երկրորդ տեղում է: Ամերիկացի Ֆաբիանո Կարուանան ունի նույնքան միավոր:

Եզրափակիչ` 7-րդ տուրում Արոնյանը կխաղա ԱՄՆ-ի ներկայացուցիչ Ֆաբիանո Կարուանայի հետ: