Աշխարհը համակում է ճարպակալման և շաքարախտի վարակը։ Գիտնականները հիվանդացությունների աճը պայմանավորում են նստակյաց ապրելակերպով և սխալ սնվելով։ Սակայն, Մեծ Բրիտանիայի մարզասրահներից մեկը հայտարարել է նոր ֆիթնես-ծրագրի մեկնարկի մասին, որի մասնակիցներին առաջարկում են կալորիաներն այրել քնի ժամանակ։ Այս մասին հայտնում է med.vesti.ru-ն։

Napercise մարզումն անց է կացվում օրվա կեսին և տևում է մեկ ժամ․ դրա մեկնարկին և ավարտին ձգող ու թուլացնող վարժություններ են կատարվում, իսկ հիմնական մասը կազմում է 45-րոպեանոց քունը։ Բոլոր մասնակիցներին մահճակալ, վերմակ, բարձ և քնի դիմակներ են հատկացվում։ Բացի այդ, կազմակերպիչները վստահեցնում են, որ մարզումների սենյակում հատուկ ջերմաստիճան է պահպանվում, որը նպաստում է նույնիսկ քնի ժամանակ կալորիաների այրմանը։

7or.am