Վրաստանի նախկին վարչապետ, «Միացյալ ազգային շարժում» կուսակցության գլխավոր քարտուղար Վանո Մերաբիշվիլին, ինչպես նաև այդ երկրի արդարադատության նախկին նախարար Զուրաբ Ադեիշվիլին մեղավոր են ճանաչվել պաշտոնեական դիրքը չարաշահելու համար:

Մերաբիշվիլին դատապարտվել է 27 ամսվա, իսկ Ադեիշվիլին՝ 18 ամսվա ազատազրկման:

Նշենք, որ 49-ամյա նախկին վարչապետն արդեն իսկ բանտում է։ Նա մեղավոր էր ճանաչվել օտար գույքի յուրացման և ՆԳՆ միջոցների ծախսման, ընտրողներին կաշառելու և ծառայողական դիրքը չարաշահելու համար: Մերաբիշվիլին դատապարտվել էր 5 տարվա ազատազրկման։

Իսկ արդարադատության 44-ամյա նախկին նախարարն Ուկրաինայում է, սակայն Կիևը հրաժարվում է արտահանձնել նրան Վրաստանին:

Նրանց աջակիցները վստահ են, որ քաղաքական հետապնդում է իրականացվում։

7or.am