Վարդան Կարապետյանը Գլենդելի քաղաքային խորհրդում միաձայն ընտրվել է քաղաքապետ՝ մեկ տարի պաշտոնավարման ժամկետով։ Այս մասին հայտնում է «Ասպարեզ»-ը:

Մինչ այս նա քաղաքային խորհրդում զբաղեցրել է տարբեր ղեկավար պաշտոններ՝ տարբեր հանձնաժողովներում:

Վարդան Կարապետյանն ամուսնացած է, ունի 3 զավակ։ Նրանք սովորում են Գլենդելի պետական դպրոցներում:

Նորընտիր քաղաքապետը խոստացել է Գլենդելն ավելի անվտանգ դարձնել, օգնել բարձր աշխատավարձով աշխատատեղերի ստեղծմանը՝ բիզնեսի համար բարենպաստ միջավայր ապահովելու ճանապարհով:

7or.am