Հարցազրույց

08.05.2017 22:13


Սասուն Միքայելյանը քաղբանտարկյալներ է համարում իր մարտական ընկերներին (տեսանյութ)

Սասուն Միքայելյանը քաղբանտարկյալներ է համարում իր մարտական ընկերներին (տեսանյութ)

Շուշի ազատագրմանը մասնակցած «Սասուն» ջոկատի հրամանատար Սասուն Միքայելյանը «Ազատության» հետ զրույցում ցավով է նշում, որ այսօր անազատության մեջ են անձինք, ովքեր մեծ դերակատարություն են ունեցել Արցախյան պատերազմի, Շուշիի ազատագրման ժամանակ՝ նրանց համարելով քաղաքական բանտարկյալներ:

«Ազատություն»․ - Շուշիի ազատագրմանը մասնակցած մի շարք անձինք այսօր անազատության մեջ են․ ԼՂ պաշտպանության նախկին նախարար Սամվել Բաբայանը «Իգլա»-ի գործով անազատության մեջ է, Շուշիի առանձնակի գումարտակի հրամանտար Ժիրայր Սեֆիլյանը՝ շենք-շինություններ պահելու, զենք-զինամթերք տեղափոխելու մեղադրանքով․․․

Սասուն Միքայելյան․ - Արայիկ Խանդոյանը, Պավլիկը Մանուկյան: Մեր ճակատագիրն ա, չէ՞: Ձեր կողմից նշված մարդիկ մեծ դերակատություն են ունեցել Արցախյան պատերազմի ժամանակ: Ես ողջունում ու շնորհավորում եմ նրանց: Ես իրանց կողքին եմ միշտ հոգով, սրտով: Փառք ու պատիվ իրանց»:

«Ազատություն»․ - Դուք քաղբանտարկյա՞լ եք նրանց համարում:

Միքայելյան․ - Իհարկե:

«Ազատություն»․ - Ե՛վ Սամվել Բաբայանին, և՛ Ժիրայր Սեֆիլյանին, և՛ Արայիկ Խանդոյանին․․․

Միքայելյան․ - Այո, իրանց քաղաքական հայացքների համար են իրանք դատապարտվել: Եվ ուզում եմ ասել, թեկուզ իրանք մեղքի բաժին կարող ա ունեն․․․ Այսինքն իրանք․․․ Ես միշտ ասել եմ՝ «Սասնա ծռերը» անճարությունից գնացին էդ քայլին, որի պատասխանատվությունը պետք է էլի կրի իշխանությունը:

Սասուն Միքաելյանը հիշում է, 25 տարի առաջ հենց այս օրը Շուշիի ազատագրման ժամանակ 100-ից ավելի բեկորային վնասվածք ստացավ, ու չնայած այդ հանգամանքին, մայիսի 8-ը իր կյանքի ամենաերջանիկ օրերից մեկն է։ Կյանքում 2 անգամ է լաց եղել, առաջինը Շուշիի ազատագրման ժամանակ էր․ - «Քյոսալարի բարձունքը որ վերցրինք, մի արծիվ սկսեց Շուշվա վրա սավառնել, ես էրկու անգամ ուրախությունից լաց եմ եղել․ մեկ Շուշվա ազատագրման, մեկ էլ առաջին շքերթին մեր․․․ Շուշին շատ մեծ նշանակություն ուներ Խոջալուից հետո: Ամենամեծ օպերացիան, որ եղել ա, եղել ա Խոջալուն: Խոջալուից հետո Շուշին ոնց որ բեկում մտցրեց մեր թե՛ պատմության մեջ, թե՛ ժողովրդի հոգեբանության մեջ, հավատի, հաղթողի տեսակի վերականգնման: Որ մեր դարավոր թշնամուն ծնկի ենք բերել»:

Մանրամասները՝ «Ազատություն»-ում։

Այս խորագրի վերջին նյութերը