Երբ գործը հասնում է դիմահարդարմանը, կանանցից շատերը պատրաստ են լինում մեծ գումարներ ծախսել թանկարժեք կոսմետիկա գնելու համար: Շատերի կարծիքով որքան թանկ է այս կամ այն կոսմետիկ միջոցը, այնքան ավելի որակով է:

Քվինսլենդից հայտնի բյութի բլոգեր Շանի Գրիմմոնդը որոշել է պարզել՝ արդյոք այդ պնդումը համապատասխանո՞ւմ է իրականությանը:

Իր թանկարժեք դիմահարդարման համար բլոգերն օգտագործել է «Marc Jacobs» ապրանքանիշի բրոնզերը, որի արժեքը 61 դոլար է, ինչպես նաև «Dior» ապրանքանիշի հայլայթերը, որի արժեքն է 69, 5 դոլար: Խոնավեցնող քսուկի համար նա ծախսել է մոտ 130 դոլար, ինչպես նաև օգտագործել 220 դոլար արժողությամբ «Sisley» ապրանքանիշի հիմքը: «La Prairie» ապրանքանիշի տոնային քսուկի համար բլոգերը վճարել է մոտ 275 դոլար, իսկ ստվերաներկի համար՝ 221 դոլար: Բացի այդ, Շանին օգտագործել է «Benefit»-ի, «Bobbi Brown»-ի և «BareMinerals»-ի դիմափոշիները:

Մատչելի տեսքի համար նա օգտագործել է «Maybelline», «Covergirl» և «Rimmel» ապրանքանիշերի դիմահարդարման պարագաները, որոնց ընդհանուր արժեքը կազմել է մոտ 177 դոլար:

Արդյունքում՝ պարզվել է, որ ավելի մատչելի կոսմետիկ միջոցների շնորհիվ Շանիին հաջողվել է ավելի բնական և նուրբ տեսք ստանալ:

Մանրամասները՝ տեսանյութում:

7or.am