Աշխարհ

13.05.2017 11:35


«National Geographic»-ի լրագրողին Թուրքիայից արտաքսել են

«National Geographic»-ի լրագրողին Թուրքիայից արտաքսել են

Մայիսի 8-ին Թուրքիայի հարավարևելյան Բաթման նահանգի Հասանքեյֆ շրջանում բերման է ենթարկվել «National Geographic»-ի ֆրանսիացի լրագրող Մաթիաս Դեպարդիոնը: Ըստ թուրքական «Mynet» լրատվական կայքի` Դեպարդիոնը ֆոտոռեպորտաժ էր պատրաստում Բաթմանի Հասանքեյֆ հինավուրց քարանձավային քաղաքի վերաբերյալ, որը ներկայումս ոչնչացման վտանգի տակ է: «ermenihaber.am»–ի փոխանցմամբ՝ բերման է ենթարկվել նաև լրագրողի թարգմանիչը:

Նրանք մեղադրվում են սոցմեդիայում Թուրքիայում ահաբեկչական համարվող «Քրդստանի բանվորական կուսակցության» (ՔԲԿ-PKK) օգտին քարոզչություն անելու մեջ:

Հարցաքնությունից հետո Դեպարդիոնի գործը փոխանցել են դատարան, որն էլ արտաքսելու մասին որոշում է կայացրել: Ֆրանսիացի լրագրողին տեղափոխել են Թուրքիայի Գազիանթեփ նահանգում գտնվող արտաքսման հարցերով զբաղվող կենտրոն:

Լրագրողի իրավաբանները դիմել են դատարան՝ արտաքսման որոշումը չեղարկելու պահանջով:

Այս խորագրի վերջին նյութերը