Նախօրեին Կիևում տեղի ունեցած «Եվրատեսիլ 2017»-ի եզրափակիչ համերգի ժամանակ, որը նաև հեռարձակվում էր ուղիղ եթերով, միջադեպ է տեղի ունեցել։

Մրցույթի նախորդ տարվա հաղթող, Ուկրաինան ներկայացնող Ջամալայի ելույթի ժամանակ բեմ է ցատկել ուկրաինացի սկանդալային պրանկեր Վիտալի Սեդյուկը, իջեցրել տաբատը և ամբողջ Եվրոպային ցուցադրել իր հետույքը։

Անվտանգության աշխատակիցները նրան արագ հեռացրել են բեմից:

Սեդյուկը հայտնի է համաշխարհային մասշտաբի աստղերի նկատմամբ իր սկանդալային արարքներով։ Ավելի վաղ նրա «զոհ» են դարձել նաև Քիմ Քարդաշյանը, Բրեդ Փիթը, Ուիլ Սմիթը, Բրեդլի Քուփերը, Ադելը, Միրանդա Քերը և այլոք։

7or.am