Պեկինում կայացած մամուլի ասուլիսի ժամանակ ՌԴ նախագահ Վլադիմիր Պուտինը չի պատասխանել 2018թ. նախագահական ընտրություններին մասնակցելու մասին հարցին։ Փոխանցում է «gazeta.ru»-ն:

«Կես տարի առաջ, պատասխանելով գործընկերների հարցին՝ մասնակցելո՞ւ եք արդյոք հաջորդ նախագահական ընտրություններին, դուք ասացիք, որ այդ հարցին պատասխանելու համար պետք է ժամանակ անցնի»,- իր հարցն այդպես է սկսել «Комсомольская правда»-ի լրագրողը՝ հավելելով.

«Արդյոք չի՞ անցել այդ ժամանակը»:

«Ո՛չ»,- կարճ պատասխանել է Պուտինը:

2016–ի սեպտեմբերին «Bloomberg»–ի հետ զրույցում Պուտինը հայտարարել էր, որ դեռ վաղ է խոսել 2018–ին կայանալիք նախագահական ընտրություններին իր մասնակցության մասին: Նույն պատասխանը նա տվել էր բնակչության հետ 2016–ի ապրիլի 14-ին կայացած «ուղիղ գծի» ժամանակ:

7or.am