Ի՞նչն է ամենաշատը հետաքրքրում զբոսաշրջիկներին, բացի տեսարժան վայրերից: Իհա՛րկե, սնունդը: Սակայն կան այնպիսի ազգային սննդատեսակներ, որոնք զբոսաշրջիկները դժվար թե համաձայնեն համտեսել:

«Интересно знать»-ը ներկայացնում է նման սննդատեսակներից 7-ը:

1. Ճապոնիա. «Basashi»

Այս կերակրատեսակը ձիու հում միս է իրականում, որը մատուցվում է իմբիրով և կիտրոնով:

2. Պորտուգալիա. «Arroz de Cabidela»

Պատրաստվում է հավի կամ ճագարի մսից և բրնձից: Սակայն բանն այն է, որ այն պատրաստվում է կենդանու արյան մեջ, որին քացախ են ավելացնում:

3. Հոլանդիա. «Soused Herring»

Սովորական ծովատառեխ, որը, սակայն, Հոլանդիայում ուտում են հում վիճակում:

4. Գերմանիա. «Zwiebelmettwurst»

Հացի կտորի վրա դրած հում աղացած խոզի միս՝ սոխով և կանաչիով:

5. Բարբադոս. «Sea Egg»

Ծովաոզնու խավիարն ուտում են թե՛ հում վիճակում՝ ավելացնելով կիտրոնի հյութ, և թե՛ խաշում և տապակում են:

6. Մեքսիկա. «Chapulines»

Տապակած մորեխներ: Ասում են, որ դրանք շատ համեղ և սննդարար են:

7. Թայլանդ. դուրիան

Այս միրգն այնքան վատ հոտ ունի, որ թույլատրվում է ուտել միայն դրսում: Ասում են, որ նրա համը նման է սերուցքային կրեմին: