ԼՂՀ ԱԺ մշտական հանձնաժողովներում ավարտվել են երկրի պետական բյուջեի 2011թ. նախագծի քննարկումները։

«Ռեգնումը» փոխանցել է, որ ԱԺ ֆինանսաբյուջետային և տնտեսական կառավարման հարցերի մշտական հանձնաժողովի նախագահ Արպատ Ավանեսյանի խոսքերով՝ համալիր աշխատանքներ են անցկացվել իրատեսական բյուջեի ձևավորման ուղղությամբ, և քննարկումների ժամանակ ներկայացված առաջարկությունները հաշվի են առնվել։ Պատգամավորը կոչ է արել ԱԺ լիագումար նիստում հավանություն տալ պետբյուջեի նախագծին։

Ինչպես տեղեկացնում է փոխվարչապետ, ԼՂՀ ֆինանսների նախարար Սպարտակ Թևոսյանը, գալիք տարում կառավարության քաղաքականությունն ուղղված է լինելու նախորդ տարիների շարունակական ձեռքբերումների զարգացմանը, համարձակ և իրատեսական բարեփոխումների շնորհիվ բնակչության կյանքի մակարդակի բարձրացմանը։