Չինաստանում խորովածանոցի սեփականատերը մարդաշատ փողոցով զբոսնել է կոկորդիլոսի հետ, որը հատուկ աճեցվել էր ֆերմայում։ Իսկ հետո այդ կենդանուց խորոված է պատրաստել։

Կոկորդիլոսին, որը 1,5մ երկարություն է ունեցել, քայլեցրել են հետևի ոտքերի վրա։ Նրա բերանը փակ է եղել կպչուն ժապավենով։ Անցորդներից շատերը հաճույքով սկսել են լուսանկարվել խեղճ կենդանու հետ։

Ինչպես հայտնում է Daily Mail-ը, տեղի ունեցածը վրդովեցրել է կենդանասերներին։

Ի դեպ, կոկորդիլոսի միսը բավականին պահանջված է Չինաստանում և Հոնկոնգում։ Այն նաև ակտիվորեն օգտագործում են չինական ավանդական բժշկությունում, այդ թվում՝ հարբուխը, քրոնիկ հազը և ասթման բուժելու համար։

7or.am