Չեռնոգորիայի հավաքականի գլխավոր մարզիչ Լյուբիշա Տումբակովիչը հրապարակել է թիմի ընդլայնված կազմը հունիսի 4–ին Իրանի հետ կայանալիք ընկերական խաղին և հունիսի 10–ին Հայաստանի հետ աշխարհի առաջնության ընտրական հանդիպմանը։

Այս մասին հայտնում է Չեռնոգորիայի ֆուտբոլի ֆեդերացիայի պաշտոնական կայքը:

Դարպասապահներ՝ Մլադեն Բոժովիչ («Զետա»), Վուկաշին Պոլեկսիչ («Վաշաշ», Հունգարիա), Դանիել Պետկովիչ (ՄՏԿ, Հունգարիա), Միլան Միյատովիչ («Դեչիչ»):

Պաշտպաններ՝ Ստեֆան Սավիչ («Աթլետիկո», Իսպանիա), Ֆիլիպ Ստոյկովիչ («Մյունխե 1860», Գերմանիա), Ադամ Մարուշիչ, Ժարկո Տոմաշեւիչ (երկուսն էլ՝ «Օստենդե», Բելգիա), Նեմանյա Միյուշկովիչ («Թարազ», Ղազախստան), Էլսադ Զվերոտիչ («Սյոն», Շվեյցարիա), Մարկո Շիմիչ («Ռոստով», Ռուսաստան), Մարկո Բաշա («Լիլ», Ֆրանսիա), Դուշան Լագատոր («Չուկարիչկի», Սերբիա):

Կիսապաշտպաններ՝ Մարկո Յանկովիչ, Նեբոյշա Կոսովիչ (երկուսն էլ՝ «Պարտիզան», Սերբիա), Նիկոլա Վուկչեւիչ («Բրագա», Պորտուգալիա), Մարկո Բակիչ («Ալկորկոն», Իսպանիա), Ալեքսանդր Շչեկիչ («Գենչլերբիրլիգի», Թուրքիա), Վուկա Սավիչիչ («Սլովան», Սլովակիա), Միրկո Իվանիչ (ԲԱՏԷ, Բելառուս), Դամիր Կոյաշեւիչ («Վարդար», Մակեդոնիա), Վլադիմիր Յովովիչ («Սպարտակ», Սուբոտիցա, Սերբիա), Սեադ Հակշաբանովիչ («Հալմստադ», Շվեդիա):

Հարձակվողներ՝ Ստեւան Յովետիչ («Ինտեր», Իտալիա), Ֆատոս Բեչիրայ («Դինամո», Մոսկվա, Ռուսաստան), Ստեֆան Մուգոշա («Կարլսռուե», Գերմանիա), Լուկա Ջորջեւիչ («Զենիթ», Ռուսաստան), Միրկո Վուչինիչ («Ալ Ջազիրա», ԱՄԷ):