Նախկին մոդել Լիզա Հարպերը, ով մոդելային կարիերան ավարտելուց հետո քաշ է հավաքել, պատմել է՝ որքան ավելի երջանիկ է իրեն զգում սեփական մարմնի դեմ պայքարը դադարեցնելուց հետո:

Ինչպես տեղեկացնում է «Harper's BAZAAR»-ը, իր կարիերայի գագաթնակետին Լիզան օրվա մեջ օգտագործել է ընդամենը 500 կալորիա: Հերթական խոշոր ցուցադրություններից մեկից հետո, երբ Լիզան ընթրիք էր պատրաստում, մտածել է, որ եթե օրական մի փոքր ավելի ուտի, ապա քաշ չի հավաքի, բայց իրեն ավելի լավ կզգա:

Լիզան պատմում է, որ նորաձևության շաբաթվա ընթացքում ոչ ոք չի նկատել, որ մոդելը քաշ է հավաքել, սակայն միջոցառման ավարտից հետո նա հասկացել է, որ այլևս չի կարող ապրել առանց շոկոլադե կրուասանների և նմանատիպ այլ համեղ բաների: Արդյունքում՝ օրերից մի օր նրան հայտնել են, որ այլևս չեն կարող նրա հետ պայմանագիր կնքել, քանի որ նրա քաշը գերազանցում է բոլոր ստանդարտները: Այդպես Լիզան ավարտել է իր մոդելային կարիերան:

Տարիներ անց նա ցանկացել է վերադառնալ աշխատանքի և փորձել նիհարել: Նա սկսել է ավելի առողջ սնվել՝ օրական 800-1200 կալորիա օգտագործելով: Որոշ ժամանակ անց նա վերադարձել է իր նախկին կազմվածքին, սակայն դա դեռ բավական չէր «Victoria's Secret» տիպի ապրանքանիշների համար: Այդ նույն ժամանակահատվածում նա այցելել է Հնդկաստան, որտեղ հանդիպել է իր ապագա ամուսնուն, ինչից հետո որոշել է լքել Նյու Յորքը և ավարտել իր մոդելային կարիերան, որի համար այդքան ինքնամոռաց պայքարում էր, սիրելիի կողքին լինելու համար:

Նա պատմում է, որ աշխարհի ամենահոգատար մարդու հետ ամուսնանալուց հետո հասկացել է, որ այլևս չի ցանկանում պայքարել իր մարմնի դեմ: Այդ որոշումն իր կյանքն ավելի երջանիկ ու ներդաշնակ է դարձրել:

«Ես որոշեցի, որ բավական է թելադրել իմ սեփական օրակարգը, և անհրաժեշտ է պարզապես լսել իմ մարմնին: Եվ դա այն է, ինչ ես արեցի՝ կամաց-կամաց վերադառնալով իմ իսկական մարմնին: Իմ բնական մարմնին, այլ ոչ թե հարկադրվածին», - պատմում է Լիզան:

7or.am