Դուբլինում գտնվող «Just Cats» անասնաբուժական կլինիկան «կատու գրկողի» հաստիք է ստեղծել։ Դիմումատուի աշխատանքային պարտականությունների մեջ է մտնելու բժշկական գործողություններից առաջ կենդանիներին սթրեսից հանելը։

Ինչպես հայտնում է «Daily Edge»-ը, այս աշխատանքը ստանալու համար դիմած թեկնածուները պետք է ունենան նուրբ ձեռքեր, որոնք ի վիճակի են երկար ժամանակ շոյել և փաղաքշել կատուներին։

Բացի այդ, պոտենցիալ գրկողը պետք է փափուկ ձայնի տիրապետի և կարողանա շշնջալ կատուներին՝ հանգստացնելու նրանց նյարդերը։

Լրացուցիչ առավելություն կհամարվի կատուների տարատեսակ մլավոցներից գլուխ հանելու ունակությունը։

Գրկողի աշխատավարձի չափը, սակայն, ընկերությունը չի հրապարակել։

7or.am