Ամերիկացի գործարար Ռոբերտ Բիգելոուն, ում «Bigelow Aerospace» ընկերությունն ակտիվորեն համագործակցում է NASA-ի հետ, հայտարարել է իր միանշանակ համոզման մասին, որ այլմոլորակայինները ոչ միայն գոյություն ունեն, այլև արդեն իսկ բնակվում են Երկրում։ Ինչպես տեղեկացնում է «Independent»-ը, գործարարն այս մասին հայտարարել է «60 րոպե» հաղորդման ուղիղ եթերում։

«Ես միանշանակ համոզված եմ՝ Երկրի վրա եղել է և կա այլմոլորակային ներկայություն։ Ես դրա ուսումնասիրման վրա միլիոններ և միլիոններ եմ ծախսել։ Թերևս, ամենաշատը, քան որևէ այլ մեկն ԱՄՆ-ում»,-ասել է նա՝ չմտնելով մանրամասների մեջ։

Գործարարը միայն ընդգծել է՝ նրանք մեր քթի տակ են։

7or.am