Աշխարհ

09.06.2017 18:48


Թուրք-բրիտանական «TF-X» ռազմական ինքնաթիռի վրա կտեղադրվի թուրքական արտադրության շարժիչ

Թուրք-բրիտանական «TF-X» ռազմական ինքնաթիռի վրա կտեղադրվի թուրքական արտադրության շարժիչ

Թուրք-բիտանական արտադրության «TF-X» ռազմական ինքնաթիռները, որոնց առաջին թռիչքը նախատեսվում է իրականացնել 2030թ., կհամալրվեն թուրքական արտադրության շարժիչներով: Ըստ թուրքական «Yenisafak» պարբերականի՝ այդ մասին հայտարարել է, Թուրքիայի պաշտպանության նախարար Ֆիքրի Ըշըքը:

«TF-X» ռազմական ինքնաթիռների համատեղ արտադրությամբ զբաղվելու են բրիտանական «BAE Systems» և ռազմատիեզերական արդյունաբերությամբ զբաղվող թուրքական «TUSAŞ» ընկերությունները:

Մեծ Բրիտանիայի և Թուրքիայի կողմից հովանավորվող պայմանագրի շրջանակներում թուրք և անգլիացի ինժեներներն ինքնաթիռի դիզայնի մշակմանն ու ընդհանուր կատարելագործմանն ուղղված աշխատանքներ կկատարեն, ինչպես նաև՝ միմյանց կօգնեն տեխնոլոգիական և տեխնիկական սպասարկման ոլորտում:

Հիշեցնենք, որ կողմերի միջև ռազմարդյունաբերական համագործակցություն նախատեսող պայմանագիրը կնքվել էր Մեծ Բրիտանիայի վարչապետ Թերեզա Մեյի՝ հունվարի 28-ին Թուրքիա կատարած այցի ընթացքում:

Աղբյուր` Ermenihaber.am

Այս խորագրի վերջին նյութերը