Բուենոս Այրեսի ազգային օդանավակայանի դիսպետչերները ժամանակավորապես կորցրել են կապը օդում գտնող ինքնաթիռների հետ։ Պատճառն օդաչուներից մեկի երգելն է եղել։

Ինչպես հայտնում է РИА Новости-ն, ոչ մեծ մասնավոր ինքնաթիռներից մեկի օդաչուն խցիկում սկսել է երգել Լուիս Ֆոնսիի «Despacito» երգը, սակայն մոռացել է անջատել կապը դիսպետչերական ծառայության հետ։ Այդպիսով, այդ նույն հաճախականության վրա գտնվող օպերատորներն ու այլ օդաչուները որոշ ժամանակ վայելել են նրա կատարումը։

Հասկանալով, որ իրեն ուրիշներն էլ են լսում, օդաչուն սկսել է ներողություն խնդրել։

Արգենտինայի օդային ընկերակցությունը հայտարարել է, որ օդաչուն որևէ բան հրահրելու մտադրություն չի ունեցել։

7or.am