Աշխարհ

14.06.2017 20:00


ԱՄՆ-ն Սիրիայում մեծ հեռահարության հրթիռային համակարգեր է տեղակայել (տեսանյութ)

ԱՄՆ-ն Սիրիայում մեծ հեռահարության հրթիռային համակարգեր է տեղակայել (տեսանյութ)

Հունիսի 13-ին ամերիկյան CNN հեռուստաընկերության կայքը հայտնել է, որ Միացյալ Նահանգները Սիրիայի հարավային Թանֆ բազայում տեղակայել է «ՀԱՅՄԱՐՍ» (HIMARS) համազարկային կրակի ռեակտիվ համակարգեր: CNN-ի փոխանցմամբ՝ դրանք տեղակայվել են հիմնականում «Իսլամական պետության» դեմ քրդական ուժերի գործողություններին օժանդակելու համար: Այս մասին գրում է razm.info-ն։

Մինչ այս ԱՄՆ-ն նշված ՀԿՌՀ-ները տեղակայել էր Թուրքիայի և Հորդանանի տարածքներում ու կիրառում էր հիմնականում ԻՊ դիրքերին հրթիռային հարվածներ հասցնելու համար: Սակայն ներկայում համակարգերը տեղափոխվել են հենց Սիրիայի տարածք՝ Թանֆ բազա, որն ամերիկյան ուժերն են վերահսկում:

Ամենայն հավանականությամբ, սա առաջին հերթին կապված է ԻՊ կենտրոն Ռաքքա քաղաքի գրոհի հետ: Ներկայում այդ գործողություններին ցամաքում ներգրավված են ԱՄՆ աջակցությամբ գործող քուրդ-արաբական ուժերը, իսկ օդային գործողություններն իրականացնում է ԱՄՆ գլխավորած միջազգային կոալիցիայի օդուժը:

Հավելենք, որ վերջին երկու ամսվա ընթացքում Սիրիայի հենց այն շրջանում, որտեղ համակարգերը տեղադրվել են, ամերիկյան օդուժը երեք անգամ ռմբակոծել է Սիրիայի կառավարական և կառավարամետ ուժերից կազմված ստորաբաժանումներ:

«ՀԱՅՄԱՐՍ» ՀԿՌՀ-ների ՄՏԲ

  • Մարտական զանգվածը՝ 13168 կգ
  • Առավելագույն արագությունը՝ 85 կմ/ժ
  • Ուղղորդիչների քանակը՝ 6
  • Հրթիռներ՝ 6 միավոր GMLRS կամ 1 միավոր TACMS մարտավարական հրթիռՄեկ լիցքավորմամբ հաղթահարվող ժանապարհը՝ 450 կմ
    • GMLRS — մինչև 70 կմ
    • TACMS — մինչև 300 կմ

Այս խորագրի վերջին նյութերը