ԱՄՆ պետդեպի պաշտոնական ներկայացուցիչ Հիթեր Նաուերթ հայտարարել է, որ Սիրիայի իշխանությունների կողմից քիմիական հարձակում նախապատրաստելու փաստեր Միացյալ Նահանգները չի ներկայացրել, քանի որ խոսքը հետախուզական տեղեկատվության մասին է։ Այս մասին հայտնում է РИА Новости-ն։

«Դրանք չեն էլ ներկայացվի, քանի որ դա դիտարկվում է որպես հետախուզության հարց։ Ինչպես գիտեք, երբեմն «ջրի երես են» դուրս գալիս այնպիսի հարցեր, որոնց մանրամասներին մենք չենք անդրադառնում։ Սակայն, իհարկե, այս թեման գրավել է ԱՄՆ կառավարության ուշադրությունը՝ ամենաբարձր մակարդակով»,-ասել է նա՝ հավելելով, որ ԱՄՆ-ն չի պատրաստվում հավատալ Սիրիայի իշխանությունների հայտարարություններին, թե Դամասկոսը քիմիական հարձակում նախապատրաստելու աշխատանքներ չի տանում։

7or.am