Բուլղարիայի Ասենովգրադ քաղաքում արդեն 10 օր է, ինչ հակաթուրքական ու հակագնչուական բողոքի ցույցեր են տեղի ունենում:

Ըստ թուրքական «Haberler.com» լրատվական կայքի՝ հարակից շրջաններից Ասենովգրադ եկած 7-8 հազար ցուցարարների գործողությունների արդյունքում բախումներ են տեղի ունեցել: Կա 9 ձերբակալված:

Նշվում է, որ իրադարձությունների պատճառ է հանդիսացել հունիս 26-ին թուրք երիտասարդների և 2 բուլղարացի մարզուհիների միջև տեղի ունեցած վիճաբանությունը: Դրանից հետո բուլղարացիների մի խումբ ծեծի է ենթարկել թուրքերին, ինչն էլ վերածել է ավելի մեծ բախումների: Սակայն ավելի ուշ լուրեր են տարածվել, որ սկզբնական վիճաբանությանը մասնակցած երիտասարդներն իրականում ոչ թե թուրք են եղել, այլ՝ գնչու:

Այս պահին բողոքի ակցիաները շարունակվում են:

Դեպքերի վերաբերյալ մեկնաբանությամբ է հանդես եկել Բուլղարիայի թուրքական համայնքը ներկայացնող «Dost» կուսակցության Ասենովգրադի շրջանային գրասենյակի պատասխանատու Թաներ Ալիմօլլան:

Վերջինս հայտնել է, որ Բուլղարիայի ոստիկանությունը ապահովվում է թուրքերի և գնչուների անվտանգությունը՝ ավելացնելով, որ դեռևս պարզ չէ, թե երբ կավարտվեն բողոքի ակցիաները: