Ուզբեկստանի սեփական տներից մեկի աղբահորում արտանետված գազերից 3 մարդ է մահացել։ Այս մասին հայտնում է Интерфакс-ը։

ԱԻՆ-ից տեղեկացրել են, որ Յանգիկուրգանսկի շրջանի բնակչուհին տեղի երկու բնակչի է վարձել, որպեսզի նրանք դուրս հանեն աղբահորն ընկած բջջային հեռախոսը։

Իջնելով այնտեղ՝ տղամարդիկ մեկը մյուսի հետևից կորցրել են գիտակցությունը և չեն կարողացել դուրս գալ փոսից։

Տանտիրուհին բժիշկ է կանչել՝ նրանց օգնություն ցուցաբերելու համար, սակայն նա էլ իջնելով ներքև՝ նույնպես կորցրել է գիտակցությունը և շնչահեղձ եղել։

Դեպքի առթիվ հարուցվել է քրեական գործ։

7or.am