Լրահոս

22.01.2010 17:26


Հ. Հարությունյան. «Թուրքիան անելու է այն, ինչ օգուտ է իրեն»

Հ. Հարությունյան. «Թուրքիան անելու է այն, ինչ օգուտ է իրեն»

-Թուրքիան անելու է այն, ինչ օգուտ է իրեն և բխում է իր և Ադրբեջանի շահերից։ Մենք պետք է հակադրենք նրանց այն, ինչ մեզ է պետք և բխում է մեր ազգային շահերից,-լրագրողների հետ հանդիպման ժամանակ ասել է ԱԺ ՀՀԿ խմբակցության պատգամավոր Համլետ Հարությունյանը։

Ի դեպ, հայ-թուրքական գործընթացների վերաբերյալ ՀՀԿ-ական պատգամավորն այսպիսի միտք է արտահայտել. «Թուրքիայի հետ մեր պետության քաղաքականությունը, այդ բնագավառում նախագահի և արտգործնախարարի աշխատանքը լիովին բավարարում են շարունակել բանակցային գործընթացը, մինչև, ի վերջո, Թուրքիան կապացուցի, որ ինքն, իրոք, ոչ թե լուրջ բանակցություններ է վարում, այլ բանակցություններ է վարում՝ ստորագրելու մի փաստաթուղթ, որտեղ ինքն ունի իր հետաքրքրությունները»։

Պատգամավորն ասել է, որ այս բանակցությունների արդյունքում Թուրքիան ապացուցում է, որ ինքը դեռևս առաջնորդվում է պանթուրքիստական գաղափարախոսությամբ։

7or.am

 

Այս խորագրի վերջին նյութերը