Աշխարհ

10.08.2017 14:03


Վերջին մեկ ամսվա ընթացքում Սև ծովում 176 մարդու կյանք են փրկել

Վերջին մեկ ամսվա ընթացքում Սև ծովում 176 մարդու կյանք են փրկել

Վրաստանի ներքին գործերի նախարարության արտակարգ իրավիճակների ծառայության տեղեկություններով՝ փրկարարները վերջին մեկ ամսվա ընթացքում Սև ծովում փրկել են 176 մարդու կյանք, որոնցից 106-ը Վրաստանի, իսկ 70-ը այլ երկրի քաղաքացի են։

Ինչպես տեղեկացնում է ՆԳՆ-ի արտակարգ իրավիճակների ծառայությունը, արտակարգ պատահարների գրանցման շարքում առաջատարն Ուռեկին է, որտեղ փրկվել է 62 մարդ (Վրաստանի 23, այլ երկրի 39 քաղաքացի)։

Քոբուլեթիի տարածքում, փրկարարների արդյունավետ արձագանքի շնորհիվ, վտանգում գտնվող 24 մարդ է փրկվել, որոնցից 9 այլ երկրի քաղաքացի: Իսկ Բաթումիի տարածքի ծովափնյա գոտում փրկարարներն օգնել են 41 մարդու (Վրաստանի 25, այլ երկրի 16 քաղաքացի)։ ՆԳՆ-ի փրկարարները Անակլիայի և Գանմուխուրիի տարածքում 45 մարդ են փրկել (Վրաստանի 40, այլ երկրի 5 քաղաքացի)։ Միայն Փոթիում փորձության մեջ գտնվող 4 դեպք է գրանցվել։

Արտակարգ իրավիճակների գործակալությունը բնակչությանը զգուշացնում է ուշադրություն դարձնել ափամերձ հատվածում տեղադրված վահանակներին և արգելող նշաններին, դուրս չգալ փրկարար պահակախմբերի հսկման տարածքից, չմտնել ջրի մեջ ոչ սթափ վիճակում, ուշադիր լինել երեխաների նկատմամբ, բացի այդ՝ խիստ արգելվում է ջուրը մտնել փոթորիկի, վատ եղանակի և վատ տեսանելիության ժամանակ։

Աղբյուրը՝ aliq.ge

Այս խորագրի վերջին նյութերը