Պաշտոնեական լիազորությունները չարաշահելու մեջ մեղադրվող Վրաստանի նախկին նախագահ Միխեիլ Սահակաշվիլիի դատական գործով հարցաքննվել է վկա Զուրաբ Ճկղոիձեն, ով հաստատել է, որ նախագահի հյուրը, մերսող բժիշկ Դոտին, եղել է Վրաստանում: Այս մասին հայտարարել է դատախազ Նաթիա Սոնղուլաշիլին:

Վերջինիս խոսքով, դատական նիստի ժամանակ քննվել են Դոտիի համար նախատեսված ծախսերը, ով Վրաստանում եղած ժամանակ ապրել է «Կոպալա» հյուրանոցում և այլ ծառայություններից է օգտվել, որոնք ֆինանսավորվել են նախագահի աշխատակազմի կողմից:

«Դոտային հյուրընկալելով, տեղի է ունեցել նախկին նախագահի ծախսերի գաղտնիացում»,- նշել է դատախազը:

Նրա խոսքով, 2009-2013 թվականներին Սահակաշվիլին ծախսել է մոտ 9 միլիոն լարի, որից 600 հազարը ծախսվել է կոսմետիկայի, միլիոնից ավելը՝ «Այֆոններ» գնելու համար և այլն:

«Հետաքննությունը գտնում է, որ Սահակաշվիլին վատնել է բյուջեի գումարները՝ իր բարեկեցության համար»,- հավելել է դատախազը:

Աղբյուրը՝ aliq.ge