Նյու Յորքի դպրոցներից մեկի թուրք ուսուցչուհու նկատմամբ Բրուքլինի դատարանը 750.000 դոլար դրամական տույժ է նշանակել՝ անչափահաս աշակերտի հետ սեռական կապի մեջ մտնելու համար:

Ըստ թուրքական «İnsanhaber.com» լրատվական կայքի՝ նշյալ պատիժը ռեկորդային է:

Էրին Սարայ անունով թուրք ուսուցչուհու և 16-ամյա աշակերտ Քեվին Էնգի կապի մասին հայտնի էր դարձել 2011 թվականին: Նշվում է, որ 6 տարի անց կայացված այս վճռով դատարանը ցանկացել է ուղերձ հղել Նյու Յորքի ուսուցիչներին, որպեսզի վերջիններս ավելի լուրջ վերաբերվեն իրենց գործին:

Էնգի ընտանիքը ավելի վաղ դպրոցի դեմ 10 մլն դոլար փոխհատուցման պահանջով հայց էր ներկայացրել, սակայն դատարանն այն չէր բավարարել:

Աղբյուրը` Ermenihaber.am