Իրանի իսլամական հեղափոխության պահապանների կորպուսի (ԻՀՊԿ) օդատիեզերական ուժերի համար Իրանում հարվածային ուղղաթիռ են արտադրում։ Ուղղաթիռի կառուցման աշխատանքները ընթացքի մեջ են։ Այս մասին հայտարարել է ԻՀՊԿ օդատիեզերական ուժերի հրամանատար Ամիր Ալի Հաջիզադեն, տեղեկացնում է իրանական «Թասնիմ» լրատվական գործակալությունը։

Ուղղաթիռի մարտավարա-տեխնիկական բնութագրերի մասին առայժմ տեղեկություններ չեն հրապարակվել։ Հայտնի է, որ անձնակազմը բաղկացած է լինելու 2 հոգուց։

Ուղղաթիռի կառուցման մասին Իրանում առաջին անգամ հայտարարել են 2014-ի սեպտեմբերին։

Հիշեցնենք, որ ավելի վաղ Հաջիզադեն հայտարարել էր, որ Իրանը մոտ 10 տոննա կշռող հզոր ավիառումբ ունի, որը հնարավոր է նետել «Իլյուշին» ինքնաթիռներից։

Աղբյուրը՝ razm.info