Ռուսաստանի զինուժը նախատեսում է 2018 թ. սպառազինությունը համալրել «Թայֆուն» ընտանիքի զրահամեքենաներով. նման տեղեկություն հայտնել է Ռուսաստանի պաշտպանության նախարարության պետական պաշտպանության պատվերների իրագործման վարչության պետ, գնդապետ Միխայիլ Օսիկոն: Այս մասին հայտնում է ռուսաստանյան «ՌԻԱ Նովոստի» լրատվական գործակալությունը:

«Թայֆուն» զրահամեքենաներ արտադրվում են Ուրալյան ավտոմոբիլաշինական գործարանում և ԿամԱԶ արտադրամասում:

«Պետական փորձարկումների ավարտից հետո («Թայֆուն» զրահամեքենաների) մյուս տարում արդեն կընդունվեն սպառազինության»,–հայտարարել է գնդապետ Օսիկոն:

Անձնակազմի և տարբեր նշանակության բեռների տեղափոխման համար նախատեսված տարբեր արդիականացման «Թայֆուն» զրահամեքենաները ստեղծվել են ականների և ֆուգասի պայթյունից պաշտպանելու համար:

Տարբեր տեսակի «Թայֆուն» զրահամեքենաները փորձարկվում են 2015 թվականից:

Աղբյուրը՝ razm.info