«Robert Sahakyants Production» ընկերության նախագահ, ռեժիսոր Դավիթ Սահակյանցն ամփոփելով 2010թ.՝ «7օր»-ին ասել է, թե այն շատ ծանր տարի էր։

-Հայաստանը հերթական ծանր տարին անցկացրեց կայացման ճանապարհին՝ արտաքին քաղաքականությունում, կարծում եմ, հասնելով լավ արդյունքների, սակայն միաժամանակ է՛լ ավելի սուզվելով ներքին ճգնաժամի մեջ,-ասել է Դ. Սահակյանցը։

Նրա կարծիքով՝ 2011թ. իրավիճակը կմնա նույնը, մինչև Հայաստանում ապրողները չդադարեն մտածել յուրաքանչյուրը միայն ի՛ր մասին, և չպատժվեն այն մարդիկ, ովքեր պարտավո՛ր են մտածել երկրի կայացման մասին։

Իսկ ինչ վերաբերում է կոնկրետ իրենց ստեղծագործական խմբին, ապա Դ. Սահակյանցը նշել է՝ 2010թ. կարևոր էր նրանով, որ իրենք մի մեծ աշխատանք են սկսել, որը կարող է նոր ժամանակների հայ մուլտիպլիկացիայի համար սկիզբ դառնալ։

7or.am