Հայ-թուրքական հարաբերությունների զարգացման համատեքստում, ըստ թուրքագետ Ռուբեն Մելքոնյանի, մի խնդիր կա, որ անտեսված է։ Դա Թուրքիայի հայ համայնքն է.

-Թուրքիայում բնակվող հայության մանրամասն ուսումնասիրությունը կարող է կարևոր դեր խաղալ հետագայում հայ-թուրքական հարաբերությունների հաստատումից հետո ևս։

Թուրքիայի առաքելական հայ համայնքը, որ հիմնականում Ստամբուլում է, կանգնած է մի շարք լուրջ խնդիրների առաջ, որոնցից է կրթության և դպրոցների խնդիրը.

-Այսօր Ստամբուլի հայ համայնքն ունի 17 դպրոց նախկին 32-ի փոխարեն։ Ընդամենը մեկ ամիս առաջ կրկին փակվեց ևս մեկ հայկական դպրոց այն պատճառով, որ չուներ բավարար թվով աշակերտներ։

Ռուբեն Մելքոնյանի հաղորդմամբ՝ աշակերտների նվազման գործընթացը շարունակական բնույթ ունի, և յուրաքանչյուր տարի հայկական դպրոցները կորցնում են 150-200 աշակերտ.

-Եթե այսպես շարունակվի, ապա առաջիկա տարիներին կանխատեսելի է, որ կփակվեն ևս մի քանի դպրոցներ,-ասել է թուրքագետը։

7or.am