«Օրինաց Երկիր» կուսակցության գրասենյակում երեկ տեղի է ունեցել կուսակցության քաղաքական խորհրդի նիստ, որի ընթացքում քաղխորհուրդը որոշում է կայացրել գյուղնախարարի պաշտոնում առաջադրել Սերգո  Կարապետյանի թեկնածությունը: Ստորև ձեզ ենք ներկայացնում Սերգո Վաչագանի Կարապետյանի կենսագրությունը:

Սերգո Վաչագանի Կարապետյան

Տարեթիվ, ամսաթիվ, ծննդավայր
1948թ., 06 օգոստոսի, ք. Արտաշատ

Կրթություն
1965-1968 թթ. - ք. Երևան, Սննդի արդյունաբերության տեխնիկում
1978-1982թթ. - ք. Երևան, Հայկական գյուղատնտեսական ինստիտուտ, Պտղաբանջարաբուծության և խաղողագործության  ֆակուլտետ,
գիտնական- ագրոնոմ  մասնագիտությամբ

Աշխատանքային գործունեություն
1982-1986թթ.  Արտաշատի պահածոների  <<ՍՈՎԽՈԶ>> գործարանում' զբաղեցնելով տարբեր պաշտոններ

1986թ. Արտաշատի պահածոների <<ՍՈՎԽՈԶ>> գործարանի գլխավոր տնօրեն

1996թ. ,,Արտաշատի պահածոների գործարան,,' <<ԱՐՏՖՈՒԴ>> ընկերության խորհրդի նախագահ, գլխավոր տնօրեն: << ԱՐՏՖՈՒԴ>>-ը երկրի խոշորոգույն ընկերություններից է, որը մասնագիտացված է սննդի արտադրության ոլորտում: Ընկերությանն է բաժին հասնում երկրում մթերվող պտուղ- բանջարեղենի շուրջ 65 տոկոսը:

Հայաստանի արդյունաբերողների և գործարարների միության և Հայաստանի առևտրաարդյունաբերական պալատի նախագահության  անդամ, նույն կազմակերպությունների Արարատի մարզային նախագահ:

 Այլ տվյալներ
Պարգևատրվել է ԽՍՀՄ  ,,Պատվո նշան,,  շքանշանով,  «Անանիա Շիրակացի» մեդալով, ՄԱԿ-ի պարենի զարգացման ծրագրի ոսկե մեդալով:

Կուսակցական պատկանելություն
Օրինաց Երկիր կուսակցություն:

Անձնական տվյալներ
Ամուսնացած է, ունի երկու զավակ: