Ինչպես նախօրեին Հանրապետության հրապարակում հրավիրված հանրահավաքի ժամանակ հայտարարեց Նիկոլ Փաշինյանը, այսօր ևս կշարունակվի քաղաքացիական խաղաղ անհնազանդության ցանցային պայքարը։

Նա առաջարկեց վերադառնալ կամուրջներ, փողոցներ և մետրոյի կայարանները շրջափակելու մարտավարությանը:

Այսօրվա գործողությունների առանձնահատկությունն այն է, որ բեռնատար մեքենաները նույնպես պետք է փակեն փողոցները, քանի որ որևէ քարշակ դրանք այլ վայր չի կարողանա տեղափոխել։

***

Հանրապետության հրապարակից բերման է ենթարկվել Դավիթ Սանասարյանը, ով այլ ցուցարարների հետ փակել էր փողոցը։

***

Հանրապետության հրապարակում հանրահավաք է տեղի ունեցել, որին հաջորդել է երթը: Վաղը՝ ժամը 11։00-ից, շարունակվելու է փողոցները փակելու գործընթացը։

***

Փաշինյանը ներկայացրեց իր պատկերացումները հետագա քաղաքական զարգացումների մասին: Ըստ այդմ․

«1) Սերժ Սարգսյանը հրաժարական է տալիս վարչապետի պաշտոնից,

2) Ազգային ժողովը վարչապետ է ընտրում ժողովրդի թեկնածուին,

3) Ձևավորվում է ժամանակավոր կառավարություն,

4) Հայաստանի օրենսդրությամբ, վարչապետ նշանակվելուց հետո 20 օրվա ընթացքում պետք է Ազգային ժողովը հավանություն տա կառավարության ծրագրին: Ահա, երբ որ ձևավորվում է ժամանակավոր կառավարություն, քաղաքական պայմանավորվածության համաձայն Ազգային ժողովը չի ընդունում կառավարության ծրագիրը, ինչից հետո իրավունքի ուժով տեղի են ունենում արտահերթ խորհրդարանական ընտրություններ»:

7or.am