Ասիական Զարգացման բանկի(ԱԶԲ) նախագահ Խարուխիկո Կուրոդան կարծում է, որ 2010թ.-ին համաշխարհային տնտեսության մեջ ճգնաժամային գործընթացները կդանդաղեն և աստիճանաբար կգնան դեպի անկում։ «Համաշխարհային տնտեսությունն աստիճանաբար դուրս է գալիս խորը ճգնաժամից»,-մամուլի ասուլիսում հայտարարել է ԱԶԲ նախագահը։ Նրա խոսքերով, ԱՄՆ տնտեսական աճն այս տարի կկազմի 2-3 տոկոս, Ճապոնիայում 1,5-2 տոկոս, մի փոքր ավելի դանդաղ աճ կարձանագրվի եվրասիական երկրներում։