Քաղաքական

30.05.2018 12:30


Ժիրայր Սեֆիլյանի և մյուսների գործով դատական նիստը չկայացավ․ քաղաքացիները Վերաքննիչ դատարանից երթով գնացին Վճռաբեկ դատարան (տեսանյութ)

Ժիրայր Սեֆիլյանի և մյուսների գործով դատական նիստը չկայացավ․ քաղաքացիները Վերաքննիչ դատարանից երթով գնացին Վճռաբեկ դատարան (տեսանյութ)

ՀՀ Վերաքննիչ դատարանում տեղի է ունենում Շուշիի առանձնակի գումարտակի հրամանատար Ժիրայր Սեֆիլյանի գործով դատական նիստը։

Նրա աջակիցներն ակնկալում էին, որ այսօր նա և այդ գործով ձերբակալված մյուս քաղբանտարկյալներն ազատ էին արձակվելու անմիջապես դատարանի դահլիճից։

Սակայն, ոստիկաններն ամբաստանյալներին չէին բերել դատարան։

Նիստը հետաձգվել է մինչև հունիսի 6-ը։

***

Սեֆիլյանի փաստաբանին փոխանցել են, որ ամբաստանյալներին դատարան չբերելու պատճառը ոստիկանության աշխատանքային ծանրաբեռնվածությունն և տեխնիկական միջոցների խնդիրներն են։ Այս պատճառաբանությունը փաստաբանը համարում է «լղոզած և անհիմն»։

«Ազգային անվտանգության ծառայությանը կոչ եմ անում քննել և պարզել, թե արդյոք ՀՀ վճռաբեկ դատարանի կամ Բարձրագույն դատական խորհրդի պատվերով է, որ Սեֆիլյանին և մյուսներին դատարան չեն ներկայացրել»,-նշել է փաստաբանը:

***

Քաղաքացիները որոշեցին երթով գնալ Վճռաբեկ դատարանի մոտ և այնտեղ բողոքի գործողություն իրականացնել։ Վճռաբեկ դատարանի մոտ փաստաբան Արայիկ Պապիկյանը ներկայացրեց իրենց պահանջը՝ օր առաջ նիստ հրավիրել և բեկանել խափանման միջոց կալանքը չփոխելու Վերքաննիչ դատարանի որոշումը։

***

Վճռաբեկ դատարանից քաղաքացիներին հայտնեցին, որ ներկայացված դիմումում թերություններ են հայտնաբերվել և այն հետ են ուղարկել դիմումատուին՝ թերությունները շտկելու։

***

Բողոքի գործողությունն ավարտվեց Գլխավոր դատախազության շենքի մոտ։

7or.am

Այս խորագրի վերջին նյութերը